一場較早開波嘅英超賽事,侯城主場迎戰白禮頓。雖然侯城虛火已過,但主場出擊仍然硬淨,「海鷗」近期轉攤路,經常少交收,2.5球細盤有分頭更值博。(Now 621周日晚10時直播)文:法達斯維
侯城主場特別硬淨
今季重返英超嘅侯城,頭4仗聯賽取得2勝2和,包括首輪贏曼聯同賽和車路士,主帥查基洛域更獲選8月英超最佳領隊,令人喜出望外。但隨住球季一路打落去,「老虎」開始畀列強摸清個底,戰績亦走下坡,自從8月尾擊敗高雲地利後,各項賽事已經9場不勝,現於中下游徘徊。唯一可喜係,侯城今季聯賽5次主場出擊,取得1勝4和未輸過,可見喺自己地頭表現硬淨。
白禮頓近12仗贏咗9場表現出色,包括勇挫阿仙奴同曼城等勁旅,難怪依家位居前列。雖然「海鷗」一向火力全開,但近期賽事轉晒攤路,各項賽事近6仗只入6粒,5次開2球或以下,其中4仗保持清白之身,似乎更注重防守,何況佢哋近5仗作客僅2勝,今仗造訪硬淨嘅「老虎」要贏都唔易,2.5球細盤值得捧場。

