主隊阿仙奴聯賽走勢強勁，5連勝兼攻入21球，繼大炒韋斯咸6球之後，上場作客般尼攻入5球，兼一球不失，缺少加比爾捷西斯下，前線攻擊力影響不算太大；不過闊別咗歐聯淘汰賽7年嘅兵工廠，周中16強首回合作客波圖，大玩保守風格，全場一次中目標埋門都無，補時階段失波一球不敵對手。今場返回聯賽出擊兼有主場之利，相信會主動出擊。
客隊紐卡素今季受到傷兵問題影響，表現不及上季，不過近來成績都有改善，上場面對般尼茅夫，憑後備入替嘅馬特列治入波逼和對手，保持5場不敗。
雖然紐卡素作客酋長球場已經14年無贏過，但今仗紐卡素球員有體能及身體對抗性優勢，做好防守，將會令對手踢得相當吃力。佩芝
