西班牙盃4強次回合，首回合互交白卷嘅皇家蘇斯達及馬略卡再續前緣。皇家蘇斯達今季踢西盃戰術非常保守，6場當中都有5次半場與對手打和。馬略卡礙於實力，踢法焗住要保守，今場應該都係盡力守，半場和玩得過。（周三凌晨4時30分開賽）
西盃4強分子以馬略卡聯賽排名最低，理論上皇蘇主場應該可以贏波晉級，不過值得留意嘅係，同踢西甲一樣，皇蘇踢西盃戰術極之保守，即使晉級過程遇到多支低組別球隊，但6場當中都有5次半場與對手打和。
勢均力敵首回合窿窿
首回合踢成0比0，唔少人都相信皇蘇會藉住次回合主場之利大炒番場，不過事實又未必係咁，因為皇蘇近6場主場，只得4和2負，有4場入唔到波，今場即使想贏，都未必咬得入馬略卡。至於馬略卡首回合貫切穩守踢法，主場控球率只得30.9%，相信今場作客繼續捱打，盡力守住半場，球隊近4仗半場全與對手打和，再開半場和機會極高。
