歐聯B組另一場，西維爾主場迎戰燕豪芬，西維爾雖然只得2分墊底，但仍保持出線機會，今仗主場迎戰燕豪芬將是其翻身機會，定必小心應戰，半場先做好防守。燕豪芬暫以5分排次席，今仗作客更加唔會冒險搶攻，穩中求勝，雙方近3次交手半場全開1球或以下，1.5球半場細係最佳選擇。（Now 644周四凌晨1時45分直播）
西維爾現時落後次席燕豪芬同第3位朗斯3分，佢哋首循環作客燕豪芬踢成2比2，所以今場唔係完全冇機會，而先決條件係做好防守，事關佢哋後防不穩，近12場僅得1場不失。至於上場西甲齊齊領紅嘅兩位老將沙治奧拉莫斯同捷西斯拿華斯，由於聯賽要坐波監，可以專心踢好歐聯，合力鎮守球隊後防。
燕豪芬歐戰踢法保守
另一邊燕豪芬所有賽事5連勝，狀態甚佳，不過佢哋踢歐洲賽表現較保守，中堅改由奧比斯普取代已累積兩張黃牌嘅拉馬奴，而且今場係雙方今年內第4次碰頭，之前喺分組賽首循環同上季歐霸盃兩回合，半場全開1球或以下，半場細值得再追。
